Pëllumb Daci raportohet se është shqiptari i identifikuar me nofkën "Daci", i cili u arrestua tre ditë më parë gjatë një operacioni special të drejtuar nga EUROPOL dhe agjencitë e zbatimit të ligjit në Ekuador.
Ai raportohet se kishte rol të rëndësishëm në një organizatë kriminale shqiptaro-polake, e cila vepronte mes Amerikës së Jugut, si furnitore, dhe Europës, ku furnizoheshin organizatat e tjera me kokainë.
Operacioni, i quajtur Grand Phoenix 0043 - Azkaban, u krye në orët e para të së enjtes, më 8 korrik, dhe, sipas hetimeve zyrtare, çmontoi një strukturë që kishte transportuar afërsisht 7.5 ton kokainë, me një vlerë të vlerësuar prej 225 milionë dollarësh.
Mes 18 personave të ndaluar, dy janë europianë dhe bëhet fjalë për shtetasi polak Jakimiec Tomasz, i cili kishte një njoftim të kuq të Interpolit për vepra penale të trafikimit të drogës. Hetimet e tregojnë atë si përgjegjës për krijimin dhe menaxhimin e kompanive fasadë të përdorura për të fshehur ngarkesat e drogës të dërguara me det në Evropë.
I huaji i dytë i kapur është Pëllumb Daci, me kombësi shqiptare, i cili dyshohet se ka vepruar si përfaqësues dhe ndërlidhës për organizatat kriminale evropiane në territorin ekuadoras.
Sipas policisë ekuadoriane, roli i tij konsistonte në koordinimin e operacioneve midis grupeve kriminale në Amerikën e Jugut dhe rrjeteve të krijuara në Evropë, duke lehtësuar zgjerimin e aktiviteteve të paligjshme.
Hetimet sugjerojnë se organizata kishte vepruar që të paktën nga viti 2019 dhe mbante lidhje të dyshuara me grupe të armatosura kolumbiane dhe bandat kriminale ekuadoriane.
#ATENCIÓN | Esta madrugada, #FiscalíaEc y @PoliciaEcuador, en coordinación con @Europol, ejecutaron operativos simultáneos en #Esmeraldas, #Guayas, #Azuay y #ElOro, como parte de una investigación por presunta #DelincuenciaOrganizada contra una estructura criminal transnacional. pic.twitter.com/hJUC5LeamW
— Fiscalía Ecuador (@FiscaliaEcuador) July 9, 2026
Kokaina dyshohet se është siguruar në zonat e kufirit verior dhe është transportuar me rrugë tokësore në provinca të tilla si Esmeraldas, Guayas, Azuay dhe El Oro, ku dërgesat përgatiteshin për destinacione ndërkombëtare.
Metoda e rrjetit përfshinte kontaminimin e kontejnerëve të eksportit të ligjshëm me ngarkesa kokaine. Ndër produktet e përdorura për të fshehur drogën ishin banane, kafe, ushqime deti dhe dru, mallra që më pas u dërguan në vende evropiane si Holanda, Belgjika, Gjermania, Italia, Danimarka dhe Polonia.
Sondazh
Lexo gjithashtu
