Pas dy ditësh pasi ra nga lartësia teksa ishte duke bërë ngjitje me litar në shkëmbinj, është gjetur trupi i 35-vjeçarit Erkin Lika.
Lika, anëtar i grupit shqiptar të kërkim-shpëtimit, u rrëzua teksa ndodhej pranë shkëmbinjve në zonën e Urës së Vashës.
Sipas informacioneve paraprake, 37-vjeçari ishte së bashku me grupin, ndërsa dyshohet se rrëshqiti nga shkëmbinjtë në momentin kur po fotografonte pjesëtarët e ekipit, duke rënë në humnerë e më pas në lumin Mat.
Në vendngjarje shkuan forcat e kërkim-shpëtimit, ndërsa për nxjerrjen e trupit u kërkua ndihma e ekipeve të specializuara nga Kosova, për shkak të terrenit tepër të vështirë. Mësohet se ekipi i kërkim-shpëtimit ka gjetur trupin e pajetë të Likës këtë të hënë.
Ndërkohë për rastin ka reaguar edhe Agjencia Kombëtare të Mbrojtjes Civile, e cila bën me dije se upi i 35-vjeçarit u gjet pranë Urës së Vashës.
Postimi i plotë:
Nën drejtimin e Prefektit të Qarkut Dibër dhe koordinimin e Agjencisë Kombëtare të Mbrojtjes Civile u zhvillua operacioni i kërkim-shpëtimit për gjetjen e 35-vjeçarit të zhdukur në lumin Mat, pranë Urës së Vashës, në bashkinë Klos.
Në operacion u angazhuan rreth 90 forca dhe vullnetarë nga strukturat e mbrojtjes civile në nivel qendror dhe vendor, përfshirë efektivë të Forcave të Armatosura, Policisë së Shtetit, RENEA-s, polumbarë, zjarrfikës, ekipe kërkim-shpëtimi dhe vullnetarë. Mbështetje dhanë gjithashtu ekspertë dhe forca kërkim-shpëtimi nga Kosova.
Pas kërkimeve intensive dhe bashkëpunimit ndërinstitucional, trupi i 35-vjeçarit u gjet pranë Urës së Vashës.
Agjencia Kombëtare e Mbrojtjes Civile shpreh ngushëllimet më të sinqerta për familjen dhe falënderon të gjitha strukturat, ekspertët dhe vullnetarët e angazhuar për profesionalizmin dhe përkushtimin e treguar gjatë operacionit.
Sondazh
Lexo gjithashtu
