Një ditë pasi Gjykata e Posaçme mori vendimin për t’i rikthyer SPAK-ut dosjen e SASPAC me të pandehur Ilir Beqajn, Ermal Kurtulaj, ky i fundit i cili ndodhet prapa hekurave, i i është drejtuar gjykatës me një kërkesë për shuarje të masës së sigurisë.
Mësohet se avokati Ermir Beta ka bërë kërkesë për shuarje të masës së sigurisë, e cila u depozitua sot në referim një vendimi njësues të Gjykatës së Lartë që përcakton afatet e paraburgimit, të cilat sipas llogarive të mbrojtjes kanë përfunduar, raporton gazetarja Anila Hoxha.
Po ashtu gazetarja Hoxha bën me dije se dhe mbrojtja e Ilir Beqajt, avokati Ermal Yzeiraj ka konfirmuar se do të kërkojë në gjykatë shuarje të masës së sigurisë së arrestit në burg ndaj ish-ministrit, i cili aktualisht është i paraburgosur në lidhje me çështjen e “SASPAC”.
Kujtojmë se Kurtulaj edhe Beqaj janë të dy personat që janë vënë në pranga, në mesin e 9 të pandehurve për “SASPAC”.
Pas afro një viti seancash paraprake e pasi ka dëgjuar palët e dosjes së sipërpërmendur, GJKKO mori dje vendimin për të mos e kaluar për gjykim çështjen, duke ia kaluar kështu SPAK-ut për hetime të mëtejshme. Gjykata i ka lënë afat Prokurorisë 3 muaj, deri në datën 30 tetor SPAK duhet të ketë kryer hetimet shtesë në lidhje me “SASPAC”.
Sondazh
Lexo gjithashtu
