Kaja Kallas, shefja e politikës së jashtme të Bashkimit Evropian, përmes një postimi në llogarinë e saj në “X”, ka reaguar lidhur me sulmet e fundit mes Iranit dhe SHBA. Ajo ka theksuar se këto sulme po ndërlikojnë bisedimet për ti dhënë fund luftës.
"Shkëmbimet e zjarrit midis SHBA-së dhe Iranit i ndërlikojnë më tej bisedimet tashmë të tensionuara për t'i dhënë fund luftës. Sulmet e Iranit ndaj Bahreinit dhe Kuvajtit janë të papranueshme. Sipas memorandumit, Teherani u zotua të rihapë Ngushticën e Hormuzit. Sulmet e tij të fundit ndaj anijeve pranë Ngushticës shkelin këtë angazhim dhe kërcënojnë të prishin rifillimin e furnizimeve me energji. Liria e lundrimit duhet të jetë e papenguar. Të hënën e ardhshme, Ministrat e Jashtëm të BE-së do të takohen me homologët e tyre të Gjirit për të diskutuar se si mund të punojmë së bashku për të mbështetur zbatimin e marrëveshjes dhe për të ruajtur lirinë e lundrimit në Ngushticë, si dhe në Detin e Kuq.", shkroi ajo.
Kujtojmë se të hënën e ardhshme, ministrat e jashtëm të Bashkimit Evropian, do të takohen me homologët e tyre të Gjirit Persik, për të diskutuar mënyra për të punuar së bashku në mbështetje të zbatimit të marrëveshjes dhe për të ruajtur lirinë e lundrimit në Ngushticën e Hormuzit dhe Detin e Kuq.
Ndërkohë, Agjencia e Bashkimit Evropian për Sigurinë e Aviacionit (EASA), u shpreh se linjat ajrore nuk do të operojnë në hapësirën ajrore të Iranit dhe Irakut, për shkak të tensioneve të vazhdueshme dhe veprimeve të mundshme ushtarake.
The exchanges of fire between the US and Iran further complicate already fraught talks to end the war. Iran’s attacks on Bahrain and Kuwait are unacceptable.
— Kaja Kallas (@kajakallas) July 8, 2026
Under the memorandum, Tehran committed to reopening the Strait of Hormuz. Its recent attacks on ships near the Strait…
Sondazh
Lexo gjithashtu
