Presidenti i Turqisë, Erdogan, priti udhëheqësit e NATO-s në Pallatin Presidencial me një darkë të veçantë, ku u servirën pjata tradicionale të përgatitura me produkte vendase.
Menyja ishte e menduar për të treguar pasurinë e kuzhinës turke dhe larmishmërinë e rajoneve të saj. Në fillim, të ftuarit shijuan pite tradicionale të pjekura në furrë guri, të kombinuara me gjalpë nga Trebizondi dhe mjaltë të pastër nga Hizani.
Pjatat të tjera përfshinin perime sezonale të skuqura me vaj ulliri, të shoqëruara me kos të tymosur nga Denizli.
Si meze e ngrohtë u servir manti, makarona tradicionale të përgatitura me dorë, të mbushura me mish të grirë, të shoqëruara me kos Denizli dhe ajkë speci të tymosur nga Aias.
Për pjatën kryesore, udhëheqësit kishin dy zgjedhje si, fileto levrek me tarama, angjinare dhe gjethe hardhie.
Brinjë viçi të pjekura ngadalë me gjalpë të djegur Trebizondi, të shoqëruara me patëllxhan të tymosur dhe pilaf me grurë të gjelbër e kërpudha morel.
Në fund, si ëmbëlsirë u servir Sütlü Nuriye, një variant i lehtë i bakllavasë, i kombinuar me shkumë fëstëku, akullore tradicionale dhe aromë bergamote (Bergamota është një frut i ngjashëm me portokallin, por më i vogël dhe me lëkurë të verdhë‑jeshile.)
Kjo darkë u pa si një shfaqje e kulturës kulinare turke dhe një mënyrë për të prezantuar mikpritjen e vendit përpara aleatëve ndërkombëtarë.
Sondazh
Lexo gjithashtu
