Benjamin Netanyahu iu ankua Donald Trump për retorikën anti-Izrael të presidentit turk Rexhep Tajip Erdogan.
Sipas zyrtarëve izraelitë dhe amerikanë të cituar nga Axios, thuhet gjithashtu se kryeministri izraelit i kërkoi Trump, në një telefonatë të premten, të shmangte shitjen e sistemeve të armëve që do të ndihmonin Turqinë të modernizonte forcën e saj ajrore .
Netanyahu thuhet se iu ankua Trumpit për Erdoganin dhe tregoi se donte që presidenti amerikan ta frenonte udhëheqësin turk .
“Netanyahu bëri një kërkesë dhe presidenti e dëgjoi. Pra, presidenti mund t’i përcjellë [Erdoganit] një mesazh si: ‘A mund ta marrësh pak më lehtë këtë çështje?’ Por kështu është puna”, tha një zyrtar amerikan.
Kujtojmë se Trump dhe Erdogan do të takohen gjatë Samitit të NATO-s të martën dhe të mërkurën në Ankara.
Axios vëren se mes tensioneve midis Izraelit dhe Turqisë gjatë dy viteve të fundit, Trump ka mbajtur marrëdhënie të ngushta me të dy udhëheqësit . Megjithatë, pozicioni i Netanyahut në Uashington është dobësuar në muajt e fundit për shkak të luftës me Iranin.
Nuk është e qartë se sa ndikim ka ende Netanyahu, si për shkak të marrëdhënies së ngushtë të Trump me Erdoganin, ashtu edhe për shkak të përfitimeve ekonomike të shitjes së armëve nga SHBA-të në Turqi.
Sondazh
Lexo gjithashtu
