Të paktën 15 punëtorë humbën jetën si pasojë e shembjes së një miniere ari në veri të Sudanit të hënën.
Kompania Sudaneze e Burimeve Minerale njoftoi në një deklaratë se shembja ndodhi në minierën Mohamed Tawfiq, në zonën Samna të distriktit Wadi Halfa, në shtetin Verior.
Sipas deklaratës, një punëtor mbeti i plagosur dhe u dërgua në spital për të marrë trajtim mjekësor. Ndërsa trupat e viktimave iu dorëzuan familjarëve pasi u përfunduan procedurat përkatëse.
Kompania bëri të ditur se ekipet e saj mbërritën në vendngjarje menjëherë pas shembjes dhe u koordinuan me autoritetet lokale dhe ekipet e shpëtimit për zhvillimin e operacioneve për të shpëtuar viktimat.
Hetimet paraprake tregojnë se aksidenti ndodhi pasi një grup minatorësh hynë në zonë, pavarësisht se miniera ishte mbyllur.
Sondazh
Lexo gjithashtu
