Dy shpërthime të fuqishme u regjistruan mëngjesin e kësaj të marte në Damask, shumë pranë hotelit ku dhe po qëndron presidenti francez Emmanuel Macron.
Sipas mediave të huaja, referuar deklaratave të bëra nga shërbimet e sigurisë së vendit, shpërthimet u shkaktuan nga pajisje shpërthyese që ishin vendosur në zonë. Autoritetet bllokuan menjëherë rrugët përreth vendit dhe u zbatuan masa të shtuara sigurie.
Dëshmitarët okularë panë tym që ngrihej nga zona e hotelit ku Macron kaloi natën në Damask qendror dhe nga ku ai ishte nisur më parë për në pallatin presidencial ku po zhvillon bisedime me presidentin sirian.
BREAKING | Explosions heard in Damascus coinciding with French President Macron's visit.
— The Cradle (@TheCradleMedia) July 7, 2026
According to reports, the incident took place near the hotel where Macron is staying. pic.twitter.com/SJFfQHmTsa
Sipas Elizesë, presidenti francez nuk i dëgjoi shpërthimet ndërsa ishte në rrugën e tij për t'u takuar me Ahmed al-Sarrah . Televizioni shtetëror sirian raportoi se Macron u prit nga presidenti sirian pak kohë më vonë.
Presidenti francez mbërriti në kryeqytetin sirian dje, të hënën, ku u prit në aeroport nga Ministri i Jashtëm sirian, Asaad al-Shibani. Vizita e tij ka rëndësi të veçantë politike, pasi presidenti francez është udhëheqësi i parë i madh i një vendi të Bashkimit Evropian që viziton Damaskun që nga rrëzimi i Bashar al-Assad dhe marrja e pushtetit nga koalicioni islamist nën Sarrah.
Explosions in Damascus as Macron visits ISIS leader Al Jolani. pic.twitter.com/yzz56eThP3
— Mossad Commentary (@MOSSADil) July 7, 2026
“Erdha për të shprehur angazhimin e Francës ndaj popullit sirian. Për një Siri sovrane, të bashkuar në diversitetin e saj dhe në paqe me fqinjët e saj”, tha Macron në një postim në X. “Së bashku, le të hapim një kapitull të ri stabiliteti dhe paqeje”, shtoi presidenti francez.
Autoritetet po hetojnë rrethanat e incidentit, dhe deri më tani nuk ka raportime për viktima.
Sondazh
Lexo gjithashtu
