Drejtoria e Përgjithshme e Doganave hedh poshtë si të pavërteta publikimet në rrjetet sociale lidhur me atë që prezantohet si një foto e drejtorit të Përgjithshëm, Besmir Beja, duke konsumuar duhan në zyrën e tij të punës.
"Sqarojmë opinionin publik se, nuk ka asnjë foto të Drejtorit të Përgjithshëm të Doganave, duke konsumuar duhan në zyrën e tij, por ka vetëm një sajesë dhe manipulim të fotos, me synimin për të denigruar imazhin e një figure publike.
Siç duket qartësisht kemi të bëjmë me një manipulim nëpërmjet inteligjencës artificiale, duke modifikuar foto të takimeve zyrtare të publikuara nga Drejtoria e Përgjithshme e Doganave (në rastin konkret me ambasadorin indian)", thuhet në reagim.
Institucioni njofton se lidhur me këtë rast dhe qëllimet dashakeqe që fshihen pas tij, Drejtori i Përgjithshëm i Doganave, Besmir Beja do t'u drejtohet me kallëzim organeve kompetente.
Dhe në fakt, nga një verifikim i thjeshtë në internet, rezulton se fotografia që është shfaqur si denoncim nga një zyrtare e Drejtorisë së Doganave që ankohet për tymin e cigares në zyrën e drejtorit, është e gjeneruar me inteligjencë artificiale.
Motorët e kërkimit në internet kanë verifikojnë se në masën 99%, kjo fotografi është e gjeneruar me AI.
Fotografia origjinale, është shkrepur në zyrën e punës së Besmir Bejës, në Drejtorinë e Përgjithshme të Doganave, gjatë një takimi zyrtar që ai ka pasur dy muaj më parë me ambasadorin e Indisë, Sh.T.Z. Ravindra Prasad Jaiswal.
View this post on Instagram
Gjatë takimit u diskutua mbi forcimin e bashkëpunimit institucional dhe doganor ndërmjet dy vendeve, lehtësimin e procedurave tregtare, si edhe mundësitë për zgjerimin e bashkëpunimit ekonomik dhe shkëmbimin e eksperiencave profesionale.
Mirëpo, sot, 7 javë më pas kjo fotografi është modifikuar me inteligjencë artificiale dhe shfaqet në rrjetet sociale si një denoncim i një punonjëse të Doganës.
© Newsbomb.al
Sondazh
Lexo gjithashtu
