Një ngarkesë me ndihma humanitare e cila ishte planifikuar të shkonte për shqiptarët në Luginën e Preshevës është kthyer pas në pikën doganore të Vranjës.
Këtë njoftime e ka bërë me dije Zyra për Shqiptarët në Serbi, e cila shton se ndihmat ishin organizuar nga donatorë nga Serbia dhe me përkrahjen e kryetares SË Komunës së Preshevës, Ardita Sinani.
Organizatorët pretendojnë se dokumentacioni që shoqëronte ngarkesën ishte i plotë por sipas tyre zyrtarët doganorë kishin kërkuar dokumente shtesë, siç ishte një memorandum bashkëpunimi që e konsiderojnë si një kërkesë jashtë kuadrit ligjor.
Deklarata shpjegon se edhe pas përpjekjeve për ta zgjidhur situatën përmes nënshkrimit të dokumenteve shtesë dhe ridrejtimin e ndihmave drejtë Kosovës, autoritetet doganore sërish kanë nxjerrë pengesa të reja administrative.
Zyra për Shqiptarët në Serbi pretendojnë se arsyeja e vërtetë e bllokimit nuk lidhet me mungesën e dokumentacionit, por me faktin se ndihmat ishin të destinuara për komunitetet shqiptare në Preshevë, Bujanoc dhe Medvegjë.
Sondazh
Lexo gjithashtu
