Ka mbërritur në ambientet e Parlamentit kreu i Partisë Demokratike, Sali Berisha krahë deputetëve Klevis Balliu dhe Belind Këlliçi. Ai ka mbërritur nga hyrja anësore e Kuvendit, duke qenë se hyrja kryesore është e bllokuar nga policia për shkak të protestës që është duke u zhvilluar, në ditën e saj të 54-ët, duke filluar që prej orës 8 e 30 të mëngjesit.
Gjatë hyrjes së tij Berisha ka dhënë një deklaratë për mediat, ku është shprehur se kërkesa e tyre është shkrirja e parlamentit, duke e konsideruar këtë si të vetmin vendim të drejtë që mund të merret.
“I vetmi akt i përgjegjshëm i tij është të deklarojë fundin e tij, shkrirjen e tij dhe hapjen rrugë për zgjidhjen që kërkojnë mbarë rinia dhe qytetarët shqiptarë. Ço akt tjetër është fund e krye i pavlerë ndaj dhe ne kërkojmë sot vetëshpalljen, shkrirjen e këtij parlamenti. Ky është i vetmi vendim i drejtë që parlamenti mund të marrë sot”, tha Berisha.
Kujtojmë se kjo është hera e dytë që grupi Parlamentar i PD paraqitet në Kuvend që pas bojkotit.
Sondazh
Lexo gjithashtu
