Tre persona përfunduan në spital pas një sherri masiv në Aeroportin “Luton” të Londrës, ndërsa 17 persona u arrestuan nga policia.
Në video shfaqen disa burra që zihen me grushte, shkelmojnë dhe godasin njëri-tjetrin me valixhe në zonën e pritjes në aeroport rreth orës 8 të mëngjesit së djeshëm.
Përleshja shpërtheu, pasi një burrë hodhi një shishe drejt një gruaje, e cila ishte duke ofenduar një tjetër grua në aeroport.
Ndërsa disa pasagjerë të tjerë bërtisnin 'ndalo', grupi sulmonte njëri-tjetrin me karriget në zonën e pritjes.
Një nga pasagjerët në aeroport tha për MailOnline: “Pati një shkëmbim fjalësh midis grave, dhe pastaj ato filluan të grindeshin, duke bërtitur. Unë nuk e kuptoja këtë gjuhë, por ishte e lehtë të shihja se çfarë po ndodhte”.
Policia po heton përleshjen dhe autoritetet e aeroportit u kanë kërkuar falje pasagjerëve të tjerë që u prekën nga sherri.
Sondazh
Lexo gjithashtu
