Autoritetet belge kanë lëshuar një urdhër-arrest evropian për ish-komisionerin grek të BE-së për Migracionin, Dimitris Avramopoulos, në kuadër të hetimeve për skandalin Katargate, sipas dy zyrtarëve të lartë grekë të përfshirë në procesin gjyqësor.
Skandali Katargate shpërtheu në dhjetor 2022, pasi Avramopoulos ishte larguar tashmë nga Komisioni Evropian. Në atë kohë, policia belge ndërmori një sërë bastisjesh në prona dhe zyra në Bruksel, arrestoi të dyshuarit kryesorë dhe sekuestroi çanta me para në dorë në një nga hetimet më të mëdha për korrupsion që ka goditur BE-në.
Akuzat kryesore janë se të dyshuarit e lidhur me Parlamentin Europian pranuan para ose dhurata në këmbim të kryerjes së urdhrave të Katarit.
“Ish-komisioneri akuzohet për pjesëmarrje në një organizatë kriminale, me autoritetet që e lidhin çështjen me të ardhurat që ai mori nga një organizatë joqeveritare në zemër të skandalit”, tha një nga zyrtarët e lartë grekë.
Sondazh
Lexo gjithashtu
