Për herë të parë një fëmijë nën moshën 12 vjeç iu nënshtrua vetëvrasjes me asistencë mjekësore në Hollandë. Ministrja e Shëndetësisë Sophie Hermans e konfirmoi rastin në një letër drejtuar parlamentit duke thënë se çështja ishte shqyrtuar nga një komision i posaçëm.
Ligji holandez lejon eutanazinë për fëmijët me sëmundje të pashërueshme kur ata vuajnë nga dhimbje të padurueshme nuk ka shpresë për shërim dhe prindërit japin pëlqimin e tyre.
Prokuroria është duke pritur raportin e komisionit për të vendosur nëse mjeku i përfshirë ka vepruar në përputhje me ligjin.
Ligji për eutanazinë e fëmijëve nga një deri në 12 vjeç hyri në fuqi dy vjet më parë dhe pritej të kishte pesë deri në dhjetë raste në vit për fëmijë që pritet të vdesin së shpejti dhe dhimbja e të cilëve nuk mund të lehtësohet.
Përpara këtij ndryshimi nuk kishte rregulla të qarta për këtë grupmoshë ndërsa eutanazia ishte e lejuar vetëm për foshnjat deri në një vjeç dhe për fëmijët mbi 12 vjeç.
Holanda është vendi i parë që legalizoi vetëvrasjen me ndihmën e mjekut në vitin 2002 për të sëmurët me dhimbje të padurueshme dhe në vitin 2014 Belgjika u bë vendi i parë që e lejoi për të gjithë fëmijët.
Sondazh
Lexo gjithashtu
