Një automjet është përplasur mbrëmjen e djeshme me një turmë njerëzish gjatë festimeve të komunitetit LGBTQ+ në Berlin.
Policia e Berlinit njoftoi se një person ka humbur jetën, ndërsa 17 të tjerë janë plagosur në incidentin e ndodhur në Parkun Tiergarten. Disa prej të plagosurve ndodhen në gjendje të rëndë dhe me lëndime që rrezikojnë jetën.
"Po kryejmë një kërkim intensiv për të dyshuar të mundshëm", tha një oficer policie në një video të shkurtër të publikuar në llogarinë e policisë së Berlinit në X.
Sipas autoriteteve, drejtuesi i një automjeti të bardhë u fut në një shteg këmbësorësh në parkun qendror të Berlinit, pak para orës 22:00 me orën lokale, duke përplasur disa persona.
Qindra qytetarë ishin mbledhur në Berlin për të festuar Ditën e Rrugës Christopher, një nga aktivitetet më të mëdha të komunitetit LGBTQ+ në Evropë.
Policia bëri të ditur se i dyshuari është identifikuar si Abdul B., 21 vjeç. Sipas autoriteteve, ai përshkruhet me trup të hollë, me flokë të zinj, dhe në momentin e ngjarjes mbante veshur një bluzë të zezë me kapuç dhe pantallona të bardha.
Sondazh
Lexo gjithashtu
