Nuk ka më “Pride Month” në Tennessee. Ky ka qenë vendimi i fundit i marrë prej Guvernatorit Bill Lee të shtetit amerikan i cili ka nënshkruar një rezolutë e cila tashmë përcakton qershorin ai “Muaji i Familjes Bërthamore”, dhe jo më si “Pride Month”.
Amendamenti thotë se e përcakton një familje bërthamore si një familje “të përbërë nga një burrë, një grua dhe çdo fëmijë biologjik, të adoptuar ose të kujdesur”, duke thënë se një familje e tillë “është projekti i Zotit për strukturën familjare dhe ka qenë themeli i shoqërisë që nga krijimi i botës”.
Më tej amendamenti i Lee vijon duke cituar rreziqet e familjeve që nuk e kanë figurën e babait, duke deklaruar se fëmijët që rriten pa baballarë ose në shtëpi ku prindërit e tyre nuk janë bashkë kanë më shumë gjasa të përjetojnë varfëri, të abuzojnë me substanca kimike, të kenë probleme me shëndetin mendor dhe sjelljen dhe të përfundojnë në burg.
“Familja bërthamore është dizajni i përsosur i Zotit për njerëzimin dhe është në përputhje me vlerat tradicionale të Tenesit, të cilat janë të qëndrueshme prej kohësh”, thuhet në amendament.
Ky veprim u prezantua fillimisht në shkurt 2025, por nuk u nënshkrua nga Guvernatori Lee deri më 9 prill të këtij viti.
Sondazh
Lexo gjithashtu
