Venezuela i ka bërë kërkesë zyrtare Mbretit Charles III për rikthimin e rezervave të arit të mbajtura në Bankën e Anglisë. Autoritetet thonë se fondet janë të domosdoshme për të përballuar pasojat e tërmeteve të fuqishme të 24 qershorit.
Presidentja e përkohshme, Delcy Rodriguez, deklaroi se i ka dërguar një letër monarkut britanik ku thekson se ari i takon popullit venezuelan dhe duhet të përdoret për rindërtimin e zonave të shkatërruara. Ajo kërkoi gjithashtu heqjen e sanksioneve dhe zhbllokimin e aseteve të vendit jashtë kufijve, duke theksuar se këto mjete financiare do të shkojnë për strehim, vende pune, arsim dhe shërbime sociale.
Rodriguez bëri të ditur se ka zhvilluar bisedime edhe me drejtoreshën e Fondit Monetar Ndërkombëtar për lirimin e burimeve të bllokuara. Kjo kërkesë vjen në një kohë kur Venezuela po përballet me pasojat e rënda të dy tërmeteve që goditën vendin në fund të qershorit.
Bilanci paraprak flet për mijëra viktima dhe të plagosur. Ekipet e shpëtimit vijojnë kërkimet për të gjetur të mbijetuar dhe për të ndihmuar banorët. Autoritetet kanë ngritur qendra të përkohshme strehimi dhe po shpërndajnë ushqime, ujë dhe ndihma mjekësore për familjet e prekura.
Sondazh
Lexo gjithashtu
