Shtetet e Bashkuara kanë njoftuar se do ta heqin përcaktimin e Sirisë si “sponsor shtetëror i terrorizmit”, një etiketë dekadash e vjetër që pengonte rëndë investimet. Ky vendim konsiderohet si një sinjal i ri mbështetje për Presidentit Ahmed al-Sharaa.
“Ky është një tjetër hap historik nga Presidenti Trump për t’i dhënë popullit sirian një shans për madhështi”, tha Sekretari i Shtetit Marco Rubio në një deklaratë ditën e djeshme.
Njoftimi erdhi pasi Presidenti Donald Trump u takua me al-Sharaan në margjinat e samitit të NATO-s në Turqi. Al-Sharaa, një ish-rebel, është përpjekur të paraqitet si një figurë unifikuese pas rrëzimit të regjimit të familjes al-Assad në vitin 2024, e cila udhëhoqi një regjim shtypës për gjysmë shekulli.
“Heqja e sanksioneve ndaj Sirisë do të zhbllokojë tregtinë dhe investimet ndërkombëtare, do t’i japë Sirisë një shans për t’u rindërtuar dhe do të hapë një kapitull të ri për popullin sirian”, tha Rubio. “Një Siri e qëndrueshme dhe e bashkuar në paqe me veten dhe fqinjët e saj i sjell dobi jo vetëm rajonit, por të gjithë botës”.
Afrimi i Trumpit me al-Sharaan vjen pavarësisht dyshimeve nga Izraeli, i cili ka kryer vazhdimisht sulme ajrore në Siri, një nga kundërshtarët e tij historikë.
Trump më pare kishte bërë presion publikisht që Siria të bënte paqe me Izraelin, por vazhdoi me vendimin për heqjen e saj nga lista pavarësisht mungesës së përparimit të prekshëm.
Sondazh
Lexo gjithashtu
