Armëpushimi midis SHBA-së dhe Iranit është prishur pasi të dyja palët shkëmbyen sulme të reja këtë javë. Burime rajonale i kanë konfirmuar CNN-së se Pakistani dhe Katari po punojnë për t'i rikthyer të dy vendet në tryezën e negociatave.
Ndërkohë, ceremonitë mortore për ish-udhëheqësin suprem Ali Khamenei po përfundojnë sot në Iran. Një burim i tha CNN se djali i Khameneit, Mojtaba, udhëheqësi suprem aktual, nuk ka gjasa të marrë pjesë në asnjë nga ceremonitë, përfshirë një varrim privat familjar.
Presidenti Donald Trump dhe kryeministri izraelit Benjamin Netanyahu zhvilluan një telefonatë të enjten në mbrëmje, “gjatë së cilës ata ranë dakord të vazhdojnë koordinimin midis vendeve të tyre në fronte të ndryshme”, sipas një njoftimi nga zyra e kryeministrit izraelit.
Megjithatë në qytetet iraniane Konarak dhe Bushehr u dëgjuan shpërthime mbrëmje e sotme, sipas agjencisë gjysmëzyrtare të lajmeve Mehr dhe IRNA-s shtetërore.
Një zyrtar qeveritar i provincës Bushehr i tha IRNA-s se një strukturë ushtarake jashtë qytetit ishte goditur nga ajo që ai e përshkroi si "predha armike SHBA-Izrael" dhe se mbrojtja ajrore e Iranit më pas u përgjigj.
Kurse një zyrtar amerikan tha se ushtria amerikane nuk po kryen aktualisht sulme dhe zyrtarët izraelitë thanë se “nuk ishin në dijeni të ndonjë përfshirjeje izraelite në sulmet në Iran tani për tani”.
Sondazh
Lexo gjithashtu
