Nora Ilirjani do të jetë drejtuesja e re e Departamentit të Administratës Publike. Newsbomb.al mëson se ajo është emëruar në këtë post, pas disa muajsh që institucioni vepronte me drejtuese të komanduar.
Më herët, DAP drejtohej nga Vilma Guri, e cila e la në mes detyrën për shkak sepse kryeministri Edi Rama vendosi ta merrte atë si Shefe Kabineti. Prej muajit Shkurt 2026, Departamenti i Administratës Publike është drejtuar nga Enkela Dudushi.
Institucioni është kyç për përgatitjen e strukturave të reja të administratës që mbështesin bojkotimin e burokracisë dhe zbatimin e praktikave moderne të menaxhimit.
Në krye të DAP, tashmë do të jetë Nora Ilirjani, siç mëson ekskluzivisht newsbomb.al, e cila vjen nga një karrierë e gjatë prej rreth dy dekadash si drejtuese e Burimeve Njerëzore në kompani të ndryshme private.
Prej vitesh, fokusi i Departamentit të Administratës Publike ka qenë dhe mbetet përzgjedhja e nëpunësve më të mirë, bazuar në integritet moral dhe paanësi politike, për të ndërtuar një administratë publike me nëpunës profesionistë, të cilët ofrojnë shërbime cilësore dhe në kohë për qytetarët.
Sondazh
Lexo gjithashtu
