Një ngjarje e rëndë kriminale ka tronditur pasditen e kësaj të marte Tiranën, ku në Rrethrrotullimin e Rinasit, dy persona kanë rënë pre e një atentati të armatosur. Sipas burimeve të para, një automjet "Benz", që po qarkullonte në afërsi të rrethit, është sulmuar me breshëri plumbash nga një tjetër mjet që ka qenë në lëvizje.
Si pasojë e këtij sulmi, pasagjeri i automjetit, i identifikuar si Gilmando Dani, shoku i Emiljano Shullazit, ka humbur jetën në vend. Ndërkohë shoferi i automjetit, identiteti i të cilit ende nuk është zbuluar, ka mbetur i plagosur rëndë.
View this post on Instagram
Forcat e policisë kanë mbërritur menjëherë në vendin e ngjarjes, ku kanë hasur vështirësi në hapjen e dyerve të automjetit, duke qenë se ato ishin të bllokuara. Për të arritur deri te viktimat, oficerëve të policisë iu desh të përdorin hekur për të thyer xhamat e makinës.
Për momentin, hetimet janë në zhvillim e sipër dhe autoritetet po punojnë për zbardhjen e plotë të ngjarjes, duke pritur një reagim të mëtejshëm për të zbuluar detaje të tjera lidhur me atentatorët të cilët vlen të theksohet që menjëherë janë larguar nga vendi i ngjarjes.
Sondazh
Lexo gjithashtu
