Sulme të ashpra të kryera nga forcat ruse të cilat shënjestruan gjatë natës me raketa e dronë në Kiev, raportohet t’u kenë marrë jetën 10 personave.
Për shkak të sulmeve, mediat e huaja bëjnë me dije se disa lagje e evakuuan, ndërsa raportohet se janë prekur pjesa më e madhe e ndërtesave në të gjithë qytetin.
Ngjarja vijon të marrë përmasa tronditëse pasi raportohet se në mesin e viktimave të jenë dhe fëmijë, sipas Tymur Tkachenko, kreu i administratës ushtarake të Kievit.
"Armiku po synon qëllimisht zonat e banuara dhe po vret civilë", tha ai herët të enjten.
Nga ana tjetër, Ministria e Mbrojtjes e Rusisë pretendoi se shënjestroi objektet energjetike në përgjigje të sulmeve të fundit ukrainase.
Në orët e para të mëngjesit të sotëm, drita e ditës solli imazhe më të qarta të një krateri që dukej se ishte shkaktuar nga ndikimi i shpërthimeve.
Zjarre të shumta shpërthyen në të gjithë qytetin dhe u raportuan dëme materiale në një stacion ambulance në qytet, të cilat lanë të paktën një person të plagosur rëndë.
Kryebashkiaku i Kievit, Vitali Klitschko, tha se të paktën 10 persona janë konfirmuar të vrarë deri më tani, me numrin e të vdekurve që është rritur gradualisht në orët e fundit.
Ky regjistrohet të jetë sulmi i parë i ashpër në shkallë të gjerë me raketa dhe dronë nga Rusia ndaj Ukrainës në më shumë se dy javë.
Sondazh
Lexo gjithashtu
