Një aksident i rëndë ka ndodhur mesditën e sotme në aksin Gjakovë-Prizren, pranë fshatit Rogovë, ku 3 makina janë përplasur me njëra-tjetrën, duke lënë të plagosur 7 persona.
Lajmi është konfirmuar dhe nga vetë zëdhënësja e Policisë së Gjakovës Vlera Krasniqi, e cila bëri të ditur se të lënduarit kanë marrë trajtimin e nevojshëm mjekësor.
Ndërsa raportohet se autoritetet vendase po punojnë për zbardhjen e plotë të ngjarjes.
“Sot rreth orës 10:40 kemi pranuar informatën për një aksident trafiku që ka ndodhur në rrugën magjistrale Gjakovë–Prizren, në fshatin Rogovë. Në këtë aksident janë përfshirë tri automjete dhe si pasojë e përplasjes, shtatë persona kanë pësuar lëndime trupore dhe të njëjtit kanë marrë menjëherë trajtimin e nevojshëm mjekësor. Njësia Rajonale e Trafikut Rrugor ka dalë në vendngjarje dhe është duke ndërmarrë të gjitha veprimet hetimore dhe operative për të sqaruar plotësisht rrethanat dhe shkaqet e aksidentit,” deklaroi Krasniqi.
Sondazh
Lexo gjithashtu
