Kreu i Partisë Demokratike, Sali Berisha, ka reaguar pas podcastit të ditës së sotme të Kryeministrit Edi Rama, ku sipas tij Rama po përpiqet të fshihet pas emrave të arkitektëve dhe studiove të huaja për të justifikuar atë që opozita e konsideron grabitje të pasurive publike e private në Shqipëri.
Berisha është shprehur se publikimi i 523 projekteve në librin e arkitektëve, “The Albanian Files”, pyetje në lidhje me financimin e këtyre projekteve, teksa i bën thirrje Europolit, Interpolit dhe Eurojust të hetojnë.
" E vërteta është se ai flet për inkuizicion për protestën dhe intelektualët që kanë shkruajtur, por në realitet ai libër dëshmon më shumë se çdo gjë tjetër, Edi Ramën një Sulltan të një Sulltanati të shekujve më parë në të cilin vendi është tërësisht pronë personale e tij. Ky libër dëshmon dhe njëherë mungesën e plotë totale të transparencës dëshmon përsëri se Edi Rama e trajton Shqipërinë si një pashallëk apo një bajrak të tij. Së pari, ato 523 projekte të paktën duhet të jenë paguar me miliarda euro për hartimin e tyre. Kush i ka paguar këto projekte? Cili është burimi i parave të këtyre projekteve? Ftoj Eurojust-in, ftoj Interpol-in, ftoj Europol-in të hetojnë fillësisht burimin e pagesave në këto studio", u shpreh ai ndër të tjera.
Sondazh
Lexo gjithashtu
