Kryeministri Edi Rama ka reaguar sërish në lidhje me debatin dhe akuzat se Banjat Termale të Bënjës janë shkatërruar dhe betonizuar nga kompania që po kryehn punimet.
Kreu i qeverisë ka publikuar foto nga sistemimi i parë i zonës, i kryer 10 vite më parë. Rama thekson se në këtë destinacion nuk janë hequr mure antike, por është rehabilituar një strukturë e ndërtuar vite më parë.
Po ashtu kryeministri nuk ka lënë pa ironizuar edhe kritikët për të cilët shkruan: “dështakë me emër apo anonimë që duan emër, të cilët vizion kanë urrejtjen, ide kanë gënjeshtrën dhe projekt kanë vetveten”
Postimi i plotë:
JA SI ISHIN MURET ANTIKE TË BËNJËS
Dhjetë vjet më parë, me mundësitë që ishin, u bë edhe sistemimi i parë i Ujërave Termale të Bënjës, kur siç e shihni u rivendos edhe muri i betonit - i mëparshmi ishte katandisur si s’ka më keq - dhe u vesh me gurë
Pra jo vetëm që nga vaskat e Bënjës nuk janë hequr mure antike, po fiks i njëjti burrë i zanatit që shihni në krye të punës para 10 viteve, i ka qëndruar mbi kokë punës me dashamirësi, së bashku me disa ustallarë të gurit, edhe për projektin e ri që e ka rilindur këtë destinacion turistik me një cilësi krejt të re
Këmbëngula disa herë dje e sot tek ky rast konkret, sepse furtuna histerike e vaskave të Bënjës e tregon qartë pse korja e mbetjeve të politikës dhe shoqërisë mbi sipërfaqen e ujit të pastër të protestës, është një masë e mbledhur bashkë nga instinkti i hakmarrjes ndaj Shqipërisë që i ka lënë mbrapa; dështakë me emër apo anonimë që duan emër, të cilët vizion kanë urrejtjen, ide kanë gënjeshtrën dhe projekt kanë vetveten
***me këtë rast edhe ca foto të tjera të Bënjës antike përpara se sa ta kthenim në një destinacion shembullor
Sondazh
Lexo gjithashtu
