Ish-kryeministri dhe njëkohësisht kryetari i Partisë Demokratike, Sali Berisha ka marrë pjesë paraditen e kësaj të enjte në homazhet në nder të Hirësisë së Tij, Kryepeshkopit Anastas Janullatos.
I shoqëruar nga deputetët demokratë, lideri i të djathtëve, ka nderuar Hirësinë e Tij dhe është përulur para trupit të Kryepeshkopit Anastas.
Berisha mbërriti pak më parë në Katedralen “Ngjallja e Krishtit” së bashku me disa përfaqësues të tjerë të selisë blu për të kryer homazhe për Fortlumturinë Anastas. I pranishëm në këto homazhe ka qenë edhe ish-kryebashkiaku i Himarës, eurodeputeti Fredi Beleri.
Këtë të enjte në Katedralen “Ngjallja e Krishtit” në Tiranë, po zhvillohet ceremonia mortore e Kryepeshkopit Anastas Janullatos.
-Kryepeshkopi i Kishës Ortodokose Autoqefale Shqiptare do të varroset në një kriptë të veçantë në Katedralen “Ngjallja e Krishtit”, një amanet i lënë prej tij.
-Të pranishëm në ceremoni do të jenë deputetë socialistë, kryeministri Edi Rama, presidenti Bajram Begaj. Gjithashtu, edhe kryeministri i Greqisë, Kyriakos Mitsotakis, përfshirë me 5 ministra të kabinetit të tij do të nderojnë Kryepeshkopin Anastas.
-Në ceremoni do të marrin pjesë shumë personalitete fetare, si Patriarku i Kostandinopojës, Bartolomeu; Patriarku i Izraelit Theofili i Jerusalemit; Kryepeshkopi i Greqisë Jeronimi; Patriarku i Qipros, i Aleksandrisë; i Bullgarisë, i Rumanisë etj. Të pranishëm do të jenë edhe figura të larta të klerit botëror.
Sondazh
Lexo gjithashtu
