Kryebashkiaku i arrestuar i Tiranës, Erion Veliaj ka mbërritur mesditën e sotme në Gjykatën Administrative, të cilës ai është drejtuar me kërkesë për pavlefshmërinë e dekretit të presidentit Bamir Topi, që i ka dhënë Ol Dados statusin prokuror.
Siç shihet nga foto , Erion Veliaj ka mbërritur në ambientet e gjykatës, i shoqëruar nën masa të rrepta sigurie, me pranga në duar dhe një libër. Libri në fjalë është “Fan Noli, Apostulli” vëllimi i parë nga tre të tilla, i biografisë së Fan Nolit, shkruar nga autori Ilir Ikonomi.
Në këtë libër të Ikonomit, i cili dëshmon jetën e Nolit, ky i fundit shihet si një luftëtar i guximshëm dhe i pakompromis, i cili lobonte pa u lodhur për Shqipërinë, në një kohë kur fati i saj varej në fije të perit. Ai del shpesh si një personazh i nxituar dhe kokëfortë, por edhe si njeri i ditur, me një edukim të shëndoshë dhe klasik. Noli përshkruhet si një personalitet i shumë talenteve: poliglot, orator i aftë dhe përkthyes novator i tragjedive të Shekspirit, sipas përshkrimit të bërë nga libraritë.
Duket se ky vëllim biografik, është libri që Veliaj është duke lexuar këto kohë teksa ndodhet në qeli, kujtojmë që prej shkurtit të kaluar, e me sa duket sot në seancën që pati në Gjykatën Administrative karshi Ols Dados, duket se ka zgjedhur ta marrë me vete.
Sondazh
Lexo gjithashtu
