Një valë e të nxehti ka përfshirë Italinë dhe pjesë të tjera të Europës, duke sjellë temperatura ekstreme dhe duke ngritur alarmin tek autoritetet.
Në Itali, disa qytete janë vendosur në alarm të kuq, ndërsa meteorologët paralajmërojnë se temperaturat do të vazhdojnë të rriten gjatë ditëve në vijim. Firence, Perugia, Brescia dhe Torino janë ndër zonat ku është aktivizuar niveli më i lartë i rrezikut, ndërsa Roma, Bolonja dhe Frosinone pritet t’i bashkohen listës së qyteteve më të prekura.
Sipas parashikimeve, temperaturat pritet të arrijnë deri në 41 gradë Celsius në shumë zona të Italisë qendrore dhe jugore. Në disa rajone të brendshme dhe në ishullin e Sardenjës, termometri mund të shënojë deri në 45 gradë Celsius.
Ndërkohë, edhe vende të tjera europiane po përballen me pasojat e motit ekstrem. Në Mbretërinë e Bashkuar, temperaturat e larta kanë rritur ndjeshëm rrezikun e zjarreve, ndërsa në Francë janë raportuar disa vatra zjarri në zonat pyjore. Në Gjermani, autoritetet kanë konstatuar një rritje të rasteve të mbytjeve gjatë periudhës së temperaturave të larta.
Autoritetet shëndetësore në disa vende u bëjnë thirrje qytetarëve të shmangin ekspozimin në diell gjatë orëve më të nxehta të ditës, të konsumojnë sa më shumë lëngje dhe të tregojnë kujdes të veçantë për grupet më të rrezikuara.
Sondazh
Lexo gjithashtu
