Ukraina ka sulmuar me dronë qytetin Pionersky, pranë Istrës, në periferi të Moskës, ku tre persona kanë humbur jetën dhe tre të tjerë kanë mbetur të plagosur.
Si pasojë e sulmit, pesë shtëpi u përfshinë nga flakët në Pionersky, ndërsa dy të tjera u dëmtuan në Babkino, gjithashtu pranë Istrës. Në Solnechnogorsk, një dron goditi një pallat banimi, duke plagosur dy persona dhe duke dëmtuar një mur si edhe duke thyer dritaret.
Në Mozhaysk, u dëmtua fasada e një pallati apartamentesh, ndërsa shpërthimi theu dritaret e godinës.
Në total, më shumë se 350 dronë ukrainas sulmuan Moskën dhe rajonin përreth, duke filluar nga mbrëmja e djeshme, deklaroi kryebashkiaku i Moskës, Sergei Sobyanin.
Sipas tij, shumica e dronëve u rrëzuan në distancë nga kryeqyteti, ndërsa 50 u shkatërruan gjatë afrimit drejt Moskës.
Sondazh
Lexo gjithashtu
