Një seri shpërthimesh janë dëgjuar në kryeqytetin e Ukrainës, Kiev, pasi Forcat Ajrore ukrainase paralajmëruan për afrimin e disa raketave.
"Sistemet e mbrojtjes ajrore janë në veprim në kryeqytet", njoftoi kryebashkiaku i Kievit, Vitali Klitschko, në Telegram. "Armiku po e sulmon Kievin me raketa balistike", shtoi ai.
Sipas Klitschkos, zjarre kanë shpërthyer në lagjen Holosiivsky, në jug të qytetit. Sirenat e alarmit ajror u aktivizuan pak para se në kryeqytet të dëgjoheshin disa shpërthime të fuqishme.
Sulmi vjen pasi Ukraina dhe aleatët e saj në të ashtuquajturin "Koalicioni i të Gatshmëve" u mblodhën dje në Paris për të forcuar mbështetjen ndaj Kievit dhe për të rritur presionin mbi Moskën për t'i dhënë fund luftës, e cila tashmë ka hyrë në vitin e saj të pestë.
Përpara samitit, dhjetë vende njoftuan krijimin e një koalicioni për zhvillimin e kapaciteteve mbrojtëse kundër raketave balistike në Evropë, një aftësi që Ukrainës i mungon ndjeshëm përballë sulmeve ajrore ruse.
Përpara samitit, 10 vende njoftuan formimin e një koalicioni për të zhvilluar aftësi anti-balistike "thjesht mbrojtëse" në Evropë, të cilat Kievit i mungojnë shumë aktualisht përballë sulmeve ajrore ruse.
Presidenti i Ukrainës, Volodymyr Zelensky, e quajti këtë veprim "historik". Ai ka bërë thirrje të përsëritura për më shumë mbrojtje ajrore për të shmangur sulmet e përsëritura nga raketat balistike dhe hipersonike ruse.
Që nga muaji i kaluar, Kievi është shënjestruar nga sulme masive duke përdorur një gamë të gjerë raketash, përfshirë armë balistike, të cilat janë më të shpejta dhe më të vështira për t’u kapur.
Sondazh
Lexo gjithashtu
