Ushtria amerikane goditi objektiva ushtarake iraniane në një operacion që zgjati më shumë se pesë orë mbrëmjen e djeshme, njoftoi Komanda Qendrore e SHBA-së.
Sipas mediave të huaja, forcat amerikane sulmuan sistemet iraniane të mbrojtjes bregdetare, pozicionet e raketave dhe dronëve, si edhe kapacitetet detare.
CENTCOM bëri të ditur se goditjet u kryen ndaj objektivave ushtarake në disa zona të Iranit, përfshirë Bushehrin, Chah Baharin, Jaskun, Konarakun, Abu Musën dhe Bandar Abbasin, me synimin për "të degraduar më tej aftësinë e Iranit për të sulmuar anijet tregtare".
Aksioni ushtarak erdhi vetëm disa orë pasi presidenti Donald Trump deklaroi se Uashingtoni do të rivendoste një bllokadë detare ndaj Iranit dhe në një ndryshim të dukshëm të politikës, do të vendoste tarifa për anijet që kërkojnë kalim të sigurt.
Ndërkohë, Ministria e Mbrojtjes e Emirateve të Bashkuara Arabe njoftoi mëngjesin e sotëm se tankerët kombëtarë Mombasa dhe Al Bahiyah u shënjestruan nga dy raketa lundruese (cruise) iraniane në korsinë jugore të ngushticës, brenda ujërave territoriale të Omanit.
Sulmi shkaktoi vdekjen e një anëtari indian të ekuipazhit në bordin e Mombasa, plagosi tetë persona të tjerë dhe shkaktoi dëme materiale në të dy tankerët, si pasojë e zjarreve që shpërthyen në bord.
Sondazh
Lexo gjithashtu
