Rusia ka kryer një valë sulmesh me raketa balistike ndaj qyteteve ukrainase, duke vrarë pesë persona dhe duke plagosur të paktën 35 të tjerë.
Katër persona humbën jetën dhe 19 të tjerë u plagosën në qytetin verilindor të Kharkivit, ndërsa në kryeqytetin Kiev një person u vra dhe 16 të tjerë u plagosën.
Presidenti ukrainas, Volodymyr Zelensky, e përshkroi sulmin ndaj Kievit si "një nga sulmet më masive me raketa balistike" ndaj kryeqytetit që nga fillimi i pushtimit në shkallë të plotë të Ukrainës nga Rusia në vitin 2022.
Ndërkohë, Ukraina ka vazhduar sulmet ndaj objektivave ushtarake ruse. Sipas Zelenskyt, tre anije cisternë ruse me naftë në Detin e Zi u goditën, si edhe objekte në rajonin jugperëndimor të Stavropolit.
Gjatë natës, disa zona në rajonin e Kievit u goditën nga sulmet. Ushtria ukrainase njoftoi se sistemet e mbrojtjes ajrore në kryeqytet arritën të rrëzonin 18 nga 41 raketat e lëshuara.
Sondazh
Lexo gjithashtu
