Ushtria amerikane ka njoftuar sot se përfundoi natën e nëntë radhazi të sulmeve kundër Iranit, duke synuar infrastrukturën ushtarake dhe vendet strategjike në të gjithë Iranin. Në një postim në X, Komanda Qendrore e SHBA-së tha se kishte në shënjestër “qendrat e komandës ushtarake iraniane, vendet e mbrojtjes ajrore dhe të mbikëqyrjes bregdetare, aftësitë detare, vendet e lëshimit të raketave dhe dronëve, si dhe rrjetet e komunikimit”.
Sulmi i fundit erdhi pasi Uashingtoni njoftoi vdekjen e tre ushtarëve amerikanë. Dy u vranë gjatë një sulmi iranian ndaj një baze amerikane në Jordani, dhe një tjetër ushtarak u vra në Irak të shtunën gjatë shpërthimit të një droni iranian të rrëzuar.
“Do të shohim çfarë do të ndodhë, por do t’i godasim shumë fort përsëri sonte”, u tha Presidenti i SHBA-së Donald Trump gazetarëve pas kthimit të tij në Uashington pas finales së Kupës së Botës
Ndërsa Garda Revolucionare e Iranit, nisi një “sulm të papritur” ndaj një qendre komande “armike” në Siri, si edhe në Kuvajt.
Bahreini gjithashtu dha sirenat e alarmit për raketa të hënën në mëngjes, duke paralajmëruar për një sulm të afërt iranian.
Sekretari i Shtetit i SHBA-së, Marco Rubio, tha të dielën se Irani po e përdor Ngushticën e Hormuzit si levë ndikimi dhe u bëri thirrje vendeve të tjera të “rritin” presionin dhe të ndajnë barrën për të mbrojtur transportin detar global.
Sondazh
Lexo gjithashtu
