Hapësire reklamuese

Aktualitet

"Si t'ia bëjmë, i kam blerë sa qimet e kokës", zbardhen përgjimet, si luteshin pacientët me kancer për ilaçet e kimios! Mjekët i dërgonin te privati

Shkruar nga Newsbomb
"Si t'ia bëjmë, i kam blerë sa qimet e
Ilustrim: Prokuroria e Tiranes - Nje pacient me kimio

Shtatë mjekë dhe staf i Spitalit Onkologjik janë vënë në pranga dhe janë njohur me masat e sigurisë të dhëna nga Gjykata e Tiranës, për shkak se akuzon se kanë shpërdoruar detyrën duke u shitur pacientëve me kancer ilaçe për seancat e kimioterapisë. Në disa raste, ata i dërgonin pacientët dhe në spitale private.

Prokurori Bledar Valikaj, i mbështetur dhe nga efektivët e Seksionit për Hetimin e Krimeve Ekonomike në Policinë e Tiranës, ka kryer kryer hetime përgjatë një viti për këtë skandal që përfshin një spital publik, duke me veprime proaktive duke përfshirë përgjimet telefonike, vëzhgimet në terren, blerjet e simuluara, ashtu edhe me veprime të hapura hetimore.

Në dosjen e siguruar nga gazetarja e Top Channel, Anila Hoxha, theksohet se “nga informacionet e marra në rruge operative ka rezultuar se punonjës të këtij departamenti, ku rolin kryesor e ka kryeinfermieri i pavionit, pasi marrin programin e plotë për kurën e një pacienti dhe ky medikament sigurohet nga shteti duke qenë se çdo pacient i kimios është i regjistruar në databazë nuk e lënë të gjithë kurën e plotë për trajtim por një pjesë të kësaj kure nxirret për t’u blerë jashtë spitalit dhe konkretisht në dy farmaci private."

Një medikament për kimion është shumë i kushtueshëm dhe flakoni varion nga 250 Euro deri në 1500 Euro.

Nga hetimet ka rezultuar se medikamentet e përdoruara nga pacientët me kancer për seancat e kimioterapisë shiteshin edhe jashtë Spitalit Onkologjik, në shkelje flagrante të ligjit pasi këto ilaçe janë shumë të kushtuese dhe në sasi të limituara. Madje, kundrejt parave të afërmit e pacientëve me kancer mund të blinin flakon jashtë radhës, edhe nëse në listën e pritjes ishin pacientë të tjerë sipas datave të përcaktuara.

Më poshtë, disa nga përgjimet e zbardhura nga dosja e Prokurorisë së Tiranës, që tregon qartë sesi siguroheshin dhe tregtoheshin ilaçet për trajtimin e sëmundjeve malinje.

Përgjimet data 1.12.2023

Qytetari: Afrim përshëndetje, unë jam ai i shoqi asaj B. që diskutonim ato muhabetet. Mos më gjen ndonjë mundësi si t’ia bëjmë sot se unë e kam javore atë kimon, për nder se jam në hall. S’më ndihmon dot me një kështu se ajo e ka javore ia kemi blerë sa qimet e kokës dhe të pres datën 05 unë.

Afrim: Ja të them për pak se jam tek Pediatria me çunin.

Qytetari: Mirë më thuaj se jam gati të nisem direkt.

Përgjime data 4.12.2023

Afrim: He Rudi.

Rudi: Të lutem fut dikë në sistem që t’i bëjë 6 se m’i kërkoi.

Afrim: A t’i bëj nesër më mirë?

Rudi: Jo jo a s’e ke Ketën aty?

Afrim: E mirë mirë hajde se do t’i kërkoj. 6 flakona a?

Rudi: Po 6 flakonë.

Pjesë nga përgjimet, data 5.12.2023

Qytetari: Afrim mirëmëngjesi. Jam ai ushtaraku që kemi komunikuar. Sot kam kimion e babit a kemi ilaç. DOCTOXEL?

Afrim Ruçi: Mgjes.Ok.

Sondazh

Poll

Lexo gjithashtu

Hapësire reklamuese