Me përplasje të forta ka nisur mosbindja civile e demokratëve. Qindra qytetarë kanë bllokuar akset kryesore të kryeqytetit duke e kthyer Tiranën pasditen e kësaj të marte në një kaos të vërtetë.
Ka qenë Sekretari i Përgjithshëm i Partisë Demokratike, Flamur Noka i cili është përplasur verbalisht me zv.drejtorin e Policisë, Sokol Bizhga ku ky i fundit i ka bërë thirrje deputetëve demokratë që të zhbllokojnë akset rrugore. Kjo përplasje ka ndodhur në zonën e njohur të Tiranës si “Rruga e Elbasanit”.
Sakaq, nuk kanë munguar as përplasjet mes protestuesve dhe policisë së Shtetit, ndërkohë këta të fundit kanë nisur dhe shoqërimet e para për në Komisariat.
Burime për mediat raportojnë se kjo situatë paraqitet dhe në nyjet e tjera të kryeqytetit ku demokratët të udhëhequr nga deputetët opozitarë po përplasen me efektivët e Policisë.
Konkretisht në zonat e Tiranës të njohura si “Zogu i Zi” si dhe “Pallati me Shigjeta” .
Sondazh
Lexo gjithashtu
