Majko Rroboci, një prej figurave të njohura dhe të vlerësuara të zonës së Delvinës, është ndarë nga jeta në moshën 73-vjeçare. Ai ka qenë me profesion veteriner dhe ka lënë pas kujtimin e një njeriu të ndershëm, fisnik dhe të përkushtuar ndaj profesionit dhe komunitetit.
Majko Rroboci lindi më 2 mars 1953 në fshatin Kopaçez të Delvinës, në një familje me tradita dhe vlera të spikatura.
Pasi përfundoi studimet në Shkollën e Veterinarisë në Shkodër, ai nisi karrierën si veteriner në ish-Kooperativën Bujqësore të Vergos. Më pas shërbeu në ish-Komunën Vergo dhe më vonë si Drejtor i Bujqësisë në Delvinë, detyra që i ushtroi me profesionalizëm, përkushtim dhe integritet.
Për banorët e zonës, veçanërisht për blegtorët dhe barinjtë, Majko Rroboci ishte shumë më tepër se një veteriner. Ai ishte një njeri që gjendej pranë tyre në çdo vështirësi, duke fituar respektin, besimin dhe mirënjohjen e të gjithëve.
Ndarja nga jeta e Majko Rrobocit është një humbje për familjen, miqtë, kolegët dhe gjithë ata që patën fatin ta njohin. Ai do të kujtohet si një profesionist i përkushtuar, një mik i mirë dhe një njeri që la gjurmë të mira në komunitetin ku jetoi dhe punoi.
Sondazh
Lexo gjithashtu
