Prej 2 qershorit familja Mesiti në Gramsh, nuk ka asnjë informacion për vajzën e tyre të mitur Amelian e cila rezulton të jetë zhdukur për 18 ditë.
Lajmin e kanë bërë me dije vetë familjarët të cilët kërkojnë ndihmën e njerëzve që të informojnë nëse dikush di apo e ka parë diku 13-vjeçaren Amelia.
Të pashpresë prej disa ditësh, familjarët e mërzitur janë shprehur se nuk kanë asnjë informacion për vajzën e tyre që prej mëngjesit së 2 qershorit.
Rrethanat e zhdukjes së të miturës mbeten të paqarta, ndërsa mësohet se familja Mesiti ka denoncuar në Policinë e Gramshit zhdukjen e vajzës së tyre.
Për çdo informacion që mund të ndihmojë në gjetjen e Amelia Mesitit, familjarët kërkojnë të kontaktohen në numrin e telefonit +355 69 308 4275.
