Presidentja e Kosovës pak para mesnatës përgëzoi qytetarët që në këtë process zgjedhor treguan kulturë të lartë demokratike.
Ndër të tjera, ajo kërkoi që Komisioni Qendror i Zgjedhjeve të përfundojë me sukses numërimin e votave dhe të mbrojë me integritet procesin zgjedhor duke siguruar kështu që çdo votë të numërohet saktë.
"Presidentja e Republikës së Kosovës, Vjosa Osmani përgëzon qytetarët që, edhe në këtë proces zgjedhor, treguan kulturë të lartë demokratike.
Ajo ka shprehur pritshmërinë që KQZ-ja do të përfundojë me sukses numërimin e votave brenda mbrëmjes së sotme. Megjithatë, pas dështimit të softuerit, informacion ky i konfirmuar nga KQZ-ja, Presidentja ka kërkuar që të mbrohet integriteti i procesit zgjedhor, duke siguruar që çdo votë të numërohet saktë.
Presidentja do të vazhdojë të jetë në kontakt me të gjitha institucionet përkatëse, deri në sigurimin e plotë që i gjithë procesi zgjedhor, përfshirë numërimin dhe publikimin e rezultateve, të zhvillohet në përputhje me standardet më të larta demokratike dhe në përputhje me vullnetin qytetar", thuhet në deklaratën e presidencës së Kosovës.
Sondazh
Lexo gjithashtu
