Një ngjarje e rëndë ka ndodhur mëngjesin e sotëm në lagjen Pilastro të Bolonjës, në Itali, ku një 43-vjeçar ka humbur jetën gjatë arrestimit nga policia.
Sipas mediave të huaja, ngjarja ndodhi në rrugën Via Svevo, pasi disa banorë njoftuan policinë se burri po shfaqte sjellje të dhunshme në zonën e parkimit.
Raportohet se 43-vjeçari goditi automjetin e patrullës së policisë. Gjatë ndërhyrjes, në prani edhe të personelit mjekësor, efektivët përdorën sprej me piper dhe i lidhën duart me lidhëse plastike për ta arrestuar. Gjatë arrestimit, ndërsa ishte i shtrirë në tokë, burri u ndje keq dhe humbi jetën.
Pamjet nga arrestimi po qarkullojnë në internet, ku dëgjohen britmat e 43-vjeçarit, i cili thërret: “Ndihmë, ndalo, ndalo.”
Pamjet tregojnë dy efektivë policie që e mbajnë të shtrirë me fytyrë nga toka, me duart pas shpine, ndërsa një person i tretë i mban këmbët.
Pas pak minutash, burri ndalon së luftuar dhe duket se humbet ndjenjat në duart e oficerëve.
Sondazh
Lexo gjithashtu
