Lëvizja Vetëvendosje është fituese e zgjedhjeve të 9 shkurtit me mbi 40 për qind të votave, sipas rezultateve të publikuara nga Komisioni Qendror i Zgjedhjeve në Kosovë. Deri në orët e para të mëngjesit janë numëruar 88% e votave, nga të cilat LVV ka fituar 41.29% apo 306 556 vota.
Ndërsa vetë Albin Kurti shpalli fitoren e Vetëvendosjes mbrëmjen e djeshme, duke theksuar se ky rezultat është si rezultat i një qeverisjeje të mirë dhe të suksesshme.
Kujtojmë se për shkak se sistemi online i Komisionit Qendror të Zgjedhjeve doli jashtë funksionit, kreu i KQZ-së njoftoi se numërimi i votave do bwhej manualisht.
Edhe pse Ligji i ri Zgjedhor parashikonte se rezultatet preliminare të partive do të publikoheshin në kohë rekord, kjo nuk ndodhi. Për më shumë se tre orë, platforma online e KQZ-së ishte jashtë funksionit.
Fillimisht u raportuan të numëruara më shumë se 23 për qind e votave, e më pas mbi 50 për qind, por ka pasur mospërputhje mes totalit të votave të dhëna dhe atyre në komuna të caktuara.
Shifrat fillestare të publikuara nga KQZ-ja në platformën online shkaktuan një reagim të madh pasi treguan se Vetëvendosje fitoi me mbi 55 për qind. Zyrtarët e KQZ-së më vonë njoftuan se po përballeshin me probleme teknike, me mbingarkesë të sistemit për shkak të interesit të lartë.
Kryetari i KQZ-së, Kreshnik Radoniqi, në një konferencë për media para mesnate tha se më vonë do të bëjnë analizën e dështimit të sistemit.
Sipas tij, të dhënat paraprake për zgjedhjet parlamentare do të mblidhen manualisht për shkak se platforma nuk funksionon.
Ai garantoi se nuk do të kishte asnjë ndikim në rezultatet. Pasi u grumbullua manualisht, ai tha se të dhënat do të ngarkoheshin në internet. Por ai nuk dha një afat kohor se kur mund të ndodhë kjo.
-
Kosova voton!
9 Shkurt, 09:13
Sondazh
Lexo gjithashtu
