Kryeministri Edi Rama përmes një postimi në rrjete sociale i ka uruar punë të mbarë drejtuesit të ri të SPAK, Klodjan Brahos, i cili mori detyrën ditën e sotme.
Edi Rama thekson se SPAK ka pasur dhe do të ketë mbështetjen e palëkundur të Partisë Socialiste për të përmbushur në pavarësi e kushte optimale misionin e vet.
Kreu i qeverisë, Edi Rama, në postimin e tij ka përgëzuar edhe ish-kreun e SPAK, Altin Dumani, për të cilin thekson se ka shënuar arritje të pamohueshme gjatë tre viteve në drejtim të këtij institucioni.
Reagimi i plotë i Edi Ramës
Punë të mbarë drejtuesit të ri të SPAK-ut, i cili u zgjodh sot mes katër kandidatësh për të çuar më tej punët e mandatit të tretë të institucionit, duke marrë stafetën nga drejtuesi aktual, që meriton përgëzime për arritjet e pamohueshme të SPAK-ut në tre vitet e drejtimit të tij. SPAK ka pasur, ka dhe do të ketë mbështetjen e palëkundur të shumicës sonë qeverisëse, për të përmbushur në pavarësi e kushte optimale misionin e vet.
Sondazh
Lexo gjithashtu
