Lulzim Basha ka reaguar pak pas publikimit të listës së drejtuesve politik në qarqe të Partsë Socialiste. Basha përmes një shkrimi në Facebook u shpreh se ky ishte një teatër i shëmtuar e Ramës që synon t’i trajtojë qytetarët pa spektatorë, teksa komentoi dhe vendimin e kryeministrit për listat e hapura.
Ai shprehet se hipokrizia dhe strategjia e Ramës në zgjedhjet e 2025 janë të qarta me binjakëzimin: "Voto Ramën merr Berishën, voto Berishën merr Ramën”, ndërsa shton se demokratët Euroatlantikë qëndrojnë të vendosur kundër këtij pazari.
Reagimi i plotë:
Si përherë, shumë e për lumë.
Hipokrizia për të sharë partnerin me të cilin mbylli listat dhe liroi të korruptuarit e tij përmes amnistisë, është teatri i shëmtuar që riciklon veten vit pas viti. Qëllimi është t’i trajtojnë qytetarët si spektatorë, pa fuqi vendimmarrëse, pa liri politike, pa zë në zhvillimin e vendit.
Qesharake rrahja e gjoksit të kryeministrit që drejton qeverinë më të korruptuar në Europë, teksa thotë se ai do të kandidojë në pjesën e hapur të listave. Ç’nevojë ka ta trajtojë si trimëri kandidimin te pjesa e hapur e listave, kur kishte mundësinë që t’i hapnin ato për të gjithë? Kjo është vetëm tallja e radhës me qytetarët, të cilëve i'u mohua e drejta e zgjedhjes nga dyshja që në pazarin e vulës ndanë copa pushteti, Rama qeverinë e korruptuar, Berisha opozitën fasadë. Prandaj në zgjedhjet e ardhshme oferta e tyre është shumë e qartë: Voto Ramën merr Berishën, voto Berishën mbaj Ramën.
Demokratët Euroatlantikë qëndrojnë të vendosur kundër këtij pazari që cakton mandatet në tavolinë dhe Shqipërinë e ndan si plaçkë për dyshen e vjetër dhe klientelën e tyre.
Shqipëria meriton më shumë!
Sondazh
Lexo gjithashtu
