Partia Demokratike do të votojë sot përzgjedhjen e demokratëve kandidatë për deputetë në PD, një proces i rëndësishëm dhe jetik për këtë forcë politike në kuadër të parlamentareve të 11 majit. Procesi i votimit pritet të fillojë në orën 08:00 të mëngjesit dhe të përfundojë në orën 18:00.
Gjithsej në këtë proces të primareve garojnë 468 kandidatë, disa të propozuar e disa të tjerë të vetëpropozuar dhe vetëm 289 prej tyre, dorëzuan dokumentacionin përkatës. Afati i fundit për pjesëmarrjen në këtë garë ishte dita e djeshme, afat ky i zgjatur nga kryedemokrati Sali Berisha.
Në fletën e votimit të primareve janë të radhitura të gjithë emrat kandidatë si dhe qarqet ku ata garojnë. Procesi i votimit është një anëtar, një votë. Pra anëtari apo anëtarja e Partisë Demokratike ka të drejtë të votojë vetëm një kandidat për deputet/e.
Listat e kandidatëve për primaret janë miratuar nga Komisioni i Organizimit dhe Kontrollit të Operacioneve Elektorale (KOKOE) dhe Kryesia e Partisë Demokratike.
Vendet e votimit për Tiranën:
-Tirana 1 – Shkolla “Ali Demi”
-Tirana 2 – Selia Qëndrore e PDSH
-Tirana 3 – Selia e Degës, zona e Xhamllikut, pas karburantit Ifuel
-Tirana 4 – Selia e Degës, “Kompleksi Orion”, Rr. “Faruk Begolli”
-Tirana 5 – Selia Degës, Kompleksi “Kika”
-Tirana 6 – Selia e Degës, Kombinat
-Tirana 7 – Selia e Degës, Rr. “Muhamet Gjollesha”, Godina përballë “Hotel Mondial”
-Tirana 8 – Selia e Degës, Rr. “Xhemal Tafaj”, Lagjja te Selvia, Rruga e “Saraçëve”
-Tirana 9 – Selia e Degës, Bulevardi i Ri
-Tirana 10 – Selia e Degës, Rr. “Bogdanëve”
-Tirana 11 – Selia e Degës, Rr. “Egnatia”, sipër KMY, kati 2
-Tirana 12 – Zyra e Degës, Sauk
-Tirana 13 – Zyra e Degës, Yrshek
-Tirana 14 – Zyra e Degës, Qesarakë, Dajt
-Tirana 15 – Zyra e Degës, Lokali i Besnik Kodrës, Pezë Helmës
-Tirana 16 – Selia Degës, zona e Astir
-Kamëz – Selia e Degës, në qendër të Kamzës
-Kavajë – Tek kinemaja, në qendër
-Vorë – Vorë, Hotel Kontinental, kati 1, hyrja nga pas
-Rrogozhinë – Rr. “Stacioni i Trenit”, tek kinemaja
Sondazh
Lexo gjithashtu
