Qeveria e Malit të Zi ka vendosur të ndërhyjë për të zbutur efektet e krizës globale të naftës duke ulur përkohësisht akcizën e karburanteve me qëllim që të shmangë rritjen e çmimeve për qytetarët dhe bizneset vendase.
Nafta, e cila parashikohej të kishte një çmim prej 1.81 euro për litër është ulur në 1,65 euro për litër, duke rezultuar 2 cent më e lirë.
Vendimi, i bazuar në analizat e Ministrisë së Financave, synon të mbrojë buxhetin e familjeve, të ulë presionin e inflacionit dhe të lehtësojë kostot për bizneset.
Autoritetet malazeze e morën këtë masë pas çrregullimeve në tregun ndërkombëtar dhe tensioneve gjeopolitike në Lindjen e Mesme.
Qeveria ka theksuar se ndërhyrjet fiskale duhet të maten me kujdes, sidomos gjatë sezonit turistik kur konsumi i karburanteve rritet ndjeshëm nga vizitorët e huaj.
Prioritet i fondeve publike mbetet mbështetja e sektorëve kryesorë si shëndetësia, arsimi, pensionet dhe infrastruktura.
Sondazh
Lexo gjithashtu
