Një debat është zhvilluar mes deputetit socialist Damian Gjiknuri dhe deputetes demokrate Albana Vokshi gjatë mbledhjes së Komisionit të Posaçëm për Reformën Zgjedhore.
Ishte Gjiknuri ai që, gjatë një replike, iu drejtua Vokshit me fjalët "e dashur", etiketim që nuk u prit mirë nga deputetja demokrate. Vokshi i kërkoi deputetit socialist të tregonte respekt dhe të mos i drejtohej në atë mënyrë.
Nga ana tjetër, Gjiknuri iu përgjigj me ironi deputetes demokrake, duke i thënë se ajo e sheh jetën bardh e zi dhe jo me ngjyra.
Debati:
Gjiknuri: Jeta nuk është bardh e zi, e dashur
Vokshi: Mos më thuaj "e dashur"
Gjiknuri: Mirë atëherë, zonjë. Po fjala "e dashur" nuk të vret
Vokshi: Mua mos më thuaj "e dashur"
Gjiknuri: Po çfarë të them? I dashur armik?
Vokshi: Jam anëtare e komisionit dhe meritoj respekt
Gjiknuri: O Albanë, të lutem, ti je bardh e zi në mendjen tënde. S'ta ndërtoj unë jetën, s'ta bëj dot me ngjyra
Vokshi: Mos u merr me jetën time personale. Të lutem, je mësuar ta sfumosh rëndësinë e çështjeve me batuta koti
Gjiknuri: Pse je kaq “acid”? Me batuta po përpiqem të të shtensionoj
Sondazh
Lexo gjithashtu
