Dhëndri i ish-kryeministrit Sali Berisha, Jamarbër Malltezi ka reaguar lidhur me 22 masat e sigurisë, mes tyre 8 me burg të lëshuara nga Prokuroria e Posaçme kundër Korrupsionit dhe Krimit të Organizuar, në kuadër të aferës korruptive të inceneratorit të Tiranës.
Përmes një postimi në “Facebook”, Malltezi shkruan se të gjitha urdhër-arrestet e lëshuara nga gjyqtarja Irena Gjoka përfundojnë me zero arrestime.
Sa i përket masave të sigurisë të lëshuara lidhur me hetimet për Inceneratorin e Tiranës, dhëndri i ish-kryeministrin thotë se i lajmëruar të gjithë që të largohen para se t’i arrestojnë.
“I lajmëruan të gjithë të ikin, e për gomerët ofrojnë thiatro”, shkruan Malltezi ndër të tjera.
Postimi i plotë:
SPAK dhe Irena me 3 mbiemra:
21 urdhërarreste para 3 javësh – 0 arrest
8 urdhërarreste sot – 0 arrest.
I lajmëruan të gjithë të ikin, e për gomerët ofrojnë thiatro.
Prokuroria e Posaçme kundër Korrupsionit dhe Krimit të Organizuar ka lëshuar mëngjesin e sotëm 22 masa sigurie, mes tyre 8 arrest me burg. Sikurse njoftoi Newsbomb.al sot paradite, policia dhe Oficerët e Byrosë Kombëtare të Hetimit kanë dalë në terren për ekzekutimin e tyre, operacion i zhvilluar në kuadër të aferës korruptive të inceneratorit të Tiranës.
Prej orëve të para të mëngjesit, ata janë vënë në lëvizje për arrestimin e shtetasve të dyshuar për vepra penale nga korrupsioni e deri te pastrimi i parave. Por, deri më tani asnjëri prej tyre nuk është kapur. Gjithashtu ka pasur kontrolle dhe në banesat e tyre, por pa rezultat.
Dyshimet janë të forta për një dekonspirim të aksionit të SPAK, pasi lajmi qarkulloi dy javë më parë në media, por më pas u mohua nga Prokuroria e Posaçme. Tashmë pritet një njoftim zyrtar nga institucioni më i rëndësishëm i akuzës në vendin tonë, që deri më tani nuk ka pasur asnjë lloj reagimi.
Sondazh
Lexo gjithashtu
