Homazhet për Gerti Bogdanin, ish deputeti demokrat që u nda nga jeta tragjikisht dhe papritur mesditën e kësaj të mërkure nga arresti kardiak, do të mbahen paraditen e së enjtes në sallën e seancave plenare në Kuvend.
Përmes një njoftimi zyrtar, mësohet se Kuvendi i Shqipërisë do të hapë dyert për herë të fundit për politikanin demokrat. Nesër në orën 10:00 - 12:00 në sallën e seancave plenare do të mbahen homazheve në nderim të ish deputetit Gerti Bogdani.
“Të nderuar kolegë,
Ju njoftojmë se Kuvendi i Shqipërisë do të organizojë zhvillimin e homazheve në nderim të ish deputetit Gerti Bogdani, nesër, ditën e enjte, ora 10:00-12:00, në sallën e seancave plenare.
Faleminderit!”
-
Vdes papritur Gert Bogdani
18 Shtator, 13:47
Gerti Bogdani në momentin që ka ndërruar jetë ka qenë në ambientet e hotelit “Rogner”, së bashku me disa kolegë dhe miq, ku në një moment nuk është ndjerë mirë dhe ka shkuar në tualet, aty ku dyshohet se ka pësuar arrestin kardiak dhe është rrëzuar. Kanë qenë personat që ishin në tavolinë me të, që janë shqetësuar për vonesën e Gertit.
Më pas, në tualet ka shkuar kamerieri i hotelit, i cili e ka gjetur të shtrirë në tokë 44 vjeçarin. Ai është munduar që t’i japë ndihmën e parë, ndërsa disa minuta më vonë ka shkuar edhe ambulanca.
Ish-deputeti 44-vjeçar është dërguar me urgjencë në spital, por mjekët e kanë pasur të pamundur që ta rikthenin në jetë.
Sondazh
Lexo gjithashtu
