Kryetari i Komisonit Qendror të Zgjedhjeve, Ilirjan Celibashi, u ka bërë një komunuikim kandidatëve për deputet të listës së hapur, në lidhje me shqetësimet që këta të fundit kanë ngritur me numërimin e votave.
Celibashi shpreh se KQZ ka marrë të gjitha masat e duhura për të mos lejuar, sipas tij 'trafikimin' e votave për kandidatët e 'listës së hapur' të çdo subjekti.
Gjithashtu, kreu i KQZ shpreh se kanë regjistruar pamjet filmike të procesit të numërimit, si dhe çdo njeri do të mbaj përgjegjësi për çdo shkelje nga ana e tyre.
Postimi i tij:
Nisur nga disa shqetësime për integritetin e numërimit dhe vlerësimit të votave parapëlqyese, siguroj që KQZ ka marrë të gjitha masat organizative, njerëzore dhe ato teknike për të mos lejuar 'trafikimin' e votave për kandidatët e 'listës së hapur' të çdo subjekti.
KQZ ka regjistruar dhe ka pamjet filmike të procesit të numërimit dhe të vlerësimit të votave për partitë politike dhe koalicionet.
Nëse në procesin e numërimit dhe vlerësimit të votave për kandidatët në 'listën e hapur' do të konstatohen mospërputhje tek çfarë rezulton në pamjet filmike me atë çfarë do të rezultojë në procesin e vlerësimit të votave për kandidatin, atëherë numëruesit apo komisionerët përgjegjës për këtë rast do të përgjigjen penalisht për shkeljen e rëndë të integritetit zgjedhor.
Sondazh
Lexo gjithashtu
