Ervin Salianji, një nga figurat e njohura të opozitës, ka reaguar para protestës që do të zhvillohet sot para Kryeministrisë, duke theksuar se frymëzimi i saj është keqqeverisja dhe autokracia e kryeministrit Edi Rama.
Salianji ka theksuar se pas 12 vitesh qeverisje, populli shqiptar është mbushur me zemërim për sjelljen e kreut të qeverisë, që sipas tij, ka sjellë një revoltat të thellë në shoqëri.
"Fyerjet dhe gjuha e tij e përdalë meritojnë të ndeshkohen," tha ai, duke shtuar se korrupsioni dhe lidhjet e Ramës me krimin janë gjithashtu elementë që duhet të kenë një përgjigje ligjore. Salianji ka përmendur gjithashtu luksin e tepruar të kryeministrit, që është i papranueshëm për një popull të varfër si shqiptarët.
Ai ftoi të gjithë demokratët, miqtë dhe qytetarët që të bashkohen në Bulevard për të shprehur shqetësimet dhe brengat e qytetarëve shqiptarë. "Jepini zë shqetësimit, jepini zë atyre që nuk mund të jenë sot me ju," përfundoi ai.
Kujtojmë që prej disa muajsh, Ervin Salianji ndodhet në burgun e Fierit duke vuajtur dënimin 1-vjeçar të dhënë nga Gjykata e Apelit në Tiranë.
Sondazh
Lexo gjithashtu
