Në një kohë kur Partia Socialiste është duke “korrur” një fitore në të gjitha qarqet e vendit, demokratët kanë nisur me akuzat për “blerje votash”.
Ka qenë së fundi drejtuesi politik i Partisë Demokratike, Oerd Bylykbashi ai i cili në një prononcim për mediat u shpreh se në qarkun ku dhe ai kandidon, kutitë e numëruara deri më tani, i përkasin zonave ku sipas tij janë blerë vota nga PS.
“Në këtë moment ajo që pamë gjatë gjithë fushatës tregon se dominanca e zgjedhësve në qarkun e Durrësit kërkon ndryshimin. Këtu janë duke u hapur aktualisht kuti që janë ndër më të prekurat në mënyrë historike nga shitblerja e votës.
Ne kemi referuar në SPAK një numër të lartë personash, por në këtë qendër numërimi këto kuti që janë hapur tani, rezulton se në mënyrë sistematike PS prej shumë vitesh i ka pasur si basen votash të blera. Pak më vonë do të hyjmë në zonat e qytetit ku do të shihet ndryshimi”, u shpreh Bylykbashi për A2CNN.
-
Sovrani foli, koha për numërimin e votave! REZULTATET
12 Maj, 06:29
Theksojmë se deri më tani në qarkun e Durrësit janë numëruar 102 kuti votimi, nga 493 të tilla. Nga rezultatet e publikuara nga KQZ rezulton se PS ka deri më tani 15141 vota, e ndjekur më pas nga PD me 11895 vota.
Sondazh
Lexo gjithashtu
